ІІM basshysy Astanada jańa beınebaqylaý júıesin engizýdi jedeldetýdi tapsyrdy
Іshki ister mınıstri Qalmuhanbet Qasymovtyń tóraǵalyǵymen ótken keńes jumysyna Astana qalasynyń ákimi Áset Isekeshov, ІІD, Jergilikti polıtsııa qyzmetiniń basshy quramy, Ulttyq ulan bólinisteri, Astana qalasynyń qylmystyq-atqarý júıesi jáne tótenshe jaǵdaılar departamentteriniń bastyqtary, sondaı-aq aýdandyq ishki ister basqarmalary jáne elordanyń jergilikti polıtsııa bólinisteri qatysty.
Astana qalasy ІІD bastyǵy polıtsııa general-maıory Marat Qojaev óz baıandamasynda elordalyq departamenttiń ótken jyldaǵy qyzmeti týraly habarlap, jyl boıy qabyldanǵan sharalar qaladaǵy jedel jaǵdaıǵa tutastaı baqylaýdy qamtamasyz etýge múmkindik bergenin atap ótti.
Mınıstr keńeste zańnyń ústemdigin, azamattardyń quqyqtary men zańdy múddelerin qorǵaýdy qamtamasyz etý úshin elordalyq ІІD qyzmeti Elbasynyń Qazaqstan halqyna joldaýynda «Tórtinshi ónerkásiptik revolıýtsııa jaǵdaıyndaǵy damýdyń jańa múmkindikteri» aıqyndalǵan mindetterdi iske asyrý úshin jaǵdaı jasaýǵa baǵyttalýy tıis dep kórsetti.
Sondaı-aq, Qalmuhanbet Qasymov elorda polıtsııasy qyzmetiniń sandyq ınfraqurylymyn damytýdy qamtamasyz etý jáne ákimdikpen birlesip qoǵamdyq oryndarda jáne qala kóshelerinde zııatkerlik beınebaqylaý júıesin engizý boıynsha sharalar qabyldaý qajettiligin atap ótti.
Halyqqa memlekettik qyzmet kórsetýdi elektrondyq formatqa aýystyrý protsesin jalǵastyrý ózekti máselelerdiń biri bolyp tabylady.
Osyǵan baılanysty Astana qalasy ІІD basshysy Marat Qojaev óz baıandamasynda memlekettik qyzmet kórsetýlerdi alýdy avtomattandyrý jáne sandyq júıege keltirý sheńberinde HQKO avtokólikti tirkeý jáne júrgizýshi kýálikterin berý «bir tereze» qaǵıdaty boıynsha júrgiziledi. «Azamattarǵa arnalǵan Úkimet» Memkorporatsııasymen birge «Kóshi-qon qyzmeti ortalyǵynyń» jumysy iske qosylǵan. Onda eńbek ımmıgranttaryna ruqsat berýge jumyldyrylǵan barlyq qurylymdar bir jerde ornalastyrylǵan.
Astana qalasynyń ákimi Áset Isekeshev óz sózinde «qaýipsizdik» kez kelgen qalanyń, ásirese elorda tirshiliginiń sapasy faktorlarynyń biri bolyp tabylady, dedi. Jalpy elordadaǵy jaǵdaı aıtarlyqtaı qaýipsiz. Qoǵamda «múldem tózbeýshilikti» qalyptastyrýǵa úlken nazar aýdarylady.
Sondaı-aq qala ákimi ІІM, ІІD basshylyǵyna jáne polıtsııa qyzmetkerlerine «EKSPO-2017» Halyqaralyq kórmesin ótkizý kezinde qandaı da bir zańbuzýshylyqtarǵa jol bermegeni, qoǵamdyq qaýipsizdikti joǵary deńgeıde qamtamasyz etkeni úshin alǵys bildirdi.
Keńes sońynda Mınıstr Qalmuhanbet Qasymov tártip pen zańdylyqtyń jaı-kúıine, ony ári qaraı nyǵaıtýǵa, vedomstvoda sybaılas jemqorlyqqa qarsy is-qımyldy kúsheıtýge baılanysty birqatar mindetter qoıdy, dep habarlaıdy Astana qalasy ІІD baspasóz qyzmeti.