ІІM basshylaryn attestattaý tártibi ózgeredi
NUR-SULTAN. QazAqparat – Іshki ister salasynda kezekten tys attestatsııa ótedi. Bul týraly QR Іshki ister mınıstriniń orynbasary Alekseı Kalaıchıdı BAQ ókilderine aıtyp berdi.
«Bıyl kezekten tys attestatsııa ótedi. Ol birinshi kezekte basshylyq quramdy qamtıdy. Prezıdent Ákimshiligi men Qaýipsizdik Keńesi alańynda ótedi. ıAǵnı, ІІM basshylyq quramynyń jeke kásibı qabiletteri jan-jaqty zertteledi. Biz basshylardyń qalaı júgirip, qalaı myltyq atatynyn, buıryqtardyń nómirin qanshalyqty jaqsy biletinin tekserý tásilinen bas tartqaly otyrmyz. Basshynyń óz mindetin qanshalyqty biletini, ózine baǵynyshty bólimdi qandaı jaǵdaıda alyp, qandaı jaǵdaıǵa jetkizgeni basshylyqqa alynady. Qandaı problemany anyqtap, ony qalaı sheshkeni de eskeriledi. Al eger sheshe almasa, nege sheshe almaǵany suhbattasý arqyly anyqtalady. Osy tásilmen basshylardyń qaısysy óz qyzmetine sáıkes nemese sáıkes emes ekeni anyqtalady. Bul protsedýra qazan aıynda bastalady», - dedi mınıstrlik ókili.
