ІІM aýa raıy nasharlaǵan óńir turǵyndaryna uzaq saparǵa shyqpaýǵa keńes berdi
NUR-SULTAN. QazAqparat – Aýa raıynyń nasharlaýyna baılanysty QR Іshki ister mınıstrligi keı aımaq turǵyndaryna uzaq saparǵa shyqpaýǵa keńes berdi, dep habarlaıdy QazAqparat tilshisi.
Aýa raıy nasharlaýy múmkin óńirlerdiń qala syrtyndaǵy joldaryn patrýldeıtin ekıpajdardyń jumysy kúsheıtildi.
«Almaty jáne Shyǵys Qazaqstan oblystarynda aýa raıynyń nasharlaýyna baılanysty (qalyń qar, boran, joldyń anyq kórinbeýi) birqatar jolda kólik qozǵalysyna shekteý engizildi. Batys Qazaqstan, Qaraǵandy, Qostanaı, Pavlodar jáne Soltústik Qazaqstan oblystarynda aýa temperatýrasy 20 gradýstan tómendeıtini boljandy.
QR ІІM atalǵan óńir turǵyndaryna jol júrýdi shektep, aýa raıy men joldardyń jaı-kúıi týraly habarlamalardy qadaǵalaýdy usynady.
Polıtseıler júrgizýshiler men jaıaý júrginshilerdi saparǵa shyqqanda óte muqııat bolýǵa shaqyrady», - dep habarlady mınıstrliktiń baspasóz qyzmeti.
Aýa raıy nasharlaǵanda avtokólik júrgizýshilerinen jolǵa muqııat nazar salý jáne dóńgelekterin ýaqytyly aýystyryp, qysqy kezeńge daıyndalý talap etiledi.
Barlyq adamdar jolda qıyn jaǵdaıǵa tap bolǵan jaǵdaıda ishki ister organdarynyń bólimshelerine 102 nómiri boıynsha táýlik boıy júgine alady.
