ІІM Arystaǵy tótenshe jaǵdaı týraly vıdeo jarııalady

NUR-SULTAN. QazAqparat - Іshki ister mınıstrligi Arys qalasyndaǵy tótenshe jaǵdaıdyń saldaryn joıý boıynsha bir mınýttyq vıdeo jarııalady, dep habarlaıdy QazAqparat tilshisi.

Shaǵyn vıdeo jarylystan zardap shekken qalanyń jaıy týraly túsirilgen. Vıdeoda Іshki ister mınıstrliginiń barlyq qyzmetkerleriniń bir kúndik jalaqylaryn Arys halqynyń qajettiligi úshin bóletindigi jarııalanǵan.

Arystyń basyna túsken kún búkil qazaqstandyqtardy biriktirip, qarapaıym azamattardan bastap memlekettik organ qyzmetkerleri, beldi kásipkerler óz kómekterin shama-sharqynsha berip jatyr.