ІІM antıvakser Aına Bakeevaǵa qatysty tekserý júrgizedi

NUR-SULTAN. QazAqparat – QR Іshki ister mınıstrligi jýrnalıst Qalybek Atjannyń ólimine baılanysty tekserý júrgizip jatyr. Jýrnalıst Facebook paraqshasynda Aına Bakeeva usynǵan tynys alý jattyǵýynan keıin densaýlyǵynyń nasharlaǵandyǵyn jazǵan bolatyn, dep habarlaıdy QazAqparat tilshisi.

«2021 jyldyń 11 tamyzynda qazaqstandyq jýrnalıst Qalybek Atjannyń 9 tamyzda qaıtys bolý faktisi boıynsha shaǵym tústi. Ol 7 tamyzda Facebook áleýmettik jelisindegi jeke paraqshasynda A.Bakeeva usynǵan tynys alý jattyǵýynan keıin densaýlyǵynyń nasharlaǵandyǵyn habarlaǵan bolatyn. 2011 jyldyń 11 tamyzynda atalǵan shaǵym ІІM Aqparattardy tirkeý kitabyna tirkeldi jáne Qylmystyq-protsestik kodekstiń 181-baby 5-tarmaǵy tártibimen tıisinshe tekserý júrgizý úshin QR Densaýlyq saqtaý mınıstrligi Medıtsınalyq jáne farmatsevtıkalyq baqylaý komıtetiniń Jambyl oblystyq departamentine odan ary berý maqsatynda Jambyl oblystyq polıtsııa departamentine jiberildi», - delingen QR ІІM taratqan aqparatta.

Vedomstvo málimetinshe, Jambyl oblystyq polıtsııa departamenti tekserýiniń qorytyndysynda protsestik sheshim qabyldanady.