ІІM Almaty oblysynda avtobýstyń apatqa ushyraýyna ne sebep bolǵanyn aıtty
TALDYQORǴAN. QazAqparat - Búgin Almaty oblysynyń Jambyl aýdanynda kólik apatyna túsken oqýshylyrdyń barlyǵy Almaty qalasyndaǵy №134 mektep-gımnazııasynda bilim alady. Bul jóninde ІІM baspasóz qyzmeti málimdedi, dep habarlaıdy QazAqparat tilshisi.
«Almaty oblysy Jambyl aýdanynyń aýmaǵynda Qopa stansasyna jaqyn jerde mektep oqýshylaryn tasymaldaıtyn avtobýs jol apatyna ushyrady. Aldyn ala málimet boıynsha, avtobýsta Almaty qalasy № 134 mektep-gımnazııasynyń 47 oqýshysy bolǵan. Kólik aýyl jolymen júrip kele jatqanda kenetten aldynan shyqqyn jylqyny aınalyp ótpek bolǵan. Sóıtip joldyń shetine shyǵyp ketken. Segiz oqýshy men muǵalim jaraqat aldy. Bes bala QR ІІM TJK medıtsınalyq-qutqarý pýnktiniń medıtsınalyq arnaıy avtomobılimen, taǵy úsh oqýshy men muǵalim Degeres aýyly feldsherlik pýnktiniń avtokóligimen Uzynaǵash aýylyndaǵy aýdandyq aýrýhanaǵa jetkizildi» delingen ІІM baspasóz qyzmeti taratqan aqparatta.
Vedomstvo aqparatyna sáıkes, oqıǵa ornynda patrýl polıtsııasy, TJ jáne medıtsına qyzmetkerleri jumys istep jatyr.
Aıta keteıik, buǵan deıin Almaty oblysynda oqýshylar mingen avtobýs jol apatyna ushyraǵanyn habarlaǵan bolatynbyz.
