ІІM Almaty akademııasynda bıyl 230 joǵary bilimdi jas maman ázirlendi
ALMATY. 11 maýsym. QazAqparat /Erlik Erjanuly/ - Búgin QR Іshki ister mınıstrliginiń Almaty akademııasynda 4-kýrsty bitirýshilerdiń saltanat rásimi ótip jatyr. Túlekter Akademııa týymen qoshtasyp, alańmen sońǵy ret sap túzep júrip ótti.
Oqý ornynyń Memlekettik-quqyqtyq pánder kafedrasynyn oqytýshysy, zań magıstri, polıtsııa aǵa leıtenanty Sábıt Jeńisulynyń aıtýynsha, bıyl bul joǵary oqý ornyn barlyǵy 230 túlek bitirip shyqqaly otyr. Onyń 16-sy úzdik oqyǵany úshin Qyzyl dıplom almaq. Saltanatty sharaǵa bitirýshi túlekterdiń ata -analary men týǵan-týystary qatysty.
«Bitirýshilerimizdiń 90-ny tergeýshi, 70-si krımınalıst, al 70-si ákimshilik polıtsııasy salasy boıynsha mamandyq alyp otyr. Oqý ornyna joldamamen kelgender óz oblystarynda qyzmet etse, qalǵany quqyq qorǵaý organdarynyń suranysy boıynsha jumys jasaǵaly otyr», - deıdi S. Jeńisuly. Onda akademııa bastyǵy, polıtsııa general-maıory, zań ǵylymdarynyń doktory Talǵat Qulybaev, túlekterge sát sapar tiledi. Negizi 1956 jyly qalanǵan bul joǵary oqý orny qazirgi ataýyn 1999 jyly ıelengen bolatyn. Onda kýrsanttar 4 jyl oqyp, polıtsııa qyzmetine qatysty túrli mamandyqtardy ıgerip, leıtenant shenin alyp shyǵady. Kazarmalyq júıede temirdeı tártippen tárbıelengen bul mamandar ónerden de qur alaqan emes.
