ІІM Almaty akademııasy Nurǵısa Tilendıevti eske alý maqsatynda arnaıy kesh ótkizdi
ALMATY. 24 qazan. QazAqparat /Názıra Eleýhan/ - Ótken senbi kúni Almatyda Qazaqstan Respýblıkasy ІІM Almaty akademııasy Halyq Qaharmany, uly kompozıtor, qazaqtyń birtýar daryndy uly Nurǵısa Tilendıevti eske alý maqsatynda arnaıy kesh ótkizdi.
«Sharanyń maqsaty - bolashaq ishki ister organdary qyzmetkerlerin, búgingi tyńdaýshylardy rýhanı-patrıottyq sezimge baýlyp, qazaqtyń belgili azamattary men dara tulǵalarynyń ómirimen tanystyrý bolyp tabylady», - deıdi sharanyń uıymdastyrýshylary.
Kesh barysynda Nurǵısa Tilendıevtiń ómiri men shyǵarmashylyǵy jolynan estelikter aıtylyp, akademııa basshylary men kesh qonaqtary sóz sóıledi.
Onyń sońynda akademııa tyńdaýshylary qazaq dalasyn kúımen terbetip, kóline aqqýdy qondyrǵan kıeli óner ıesine qoıylǵan eskertkish basyna baryp gúl shoqtaryn qoıdy.
Búginde Qazaqstan Respýblıkasy ІІM Almaty akademııasynda 1000 tyńdaýshy bilim alady. Qazaqstan Respýblıkasynyń 20 jyldyq merekesi qarsańynda aıtýly oqý ornyna 55 jyl tolyp otyr. Osy ýaqyt aralyǵynda KSRO-nyń túpkir-túpkirinen kelip bilim alǵan polıtsııa qyzmetkerleri búginde basshylyq qyzmetterde otyr. Táýelsiz elimizdiń ishki ister organdarynda temirdeı tártip pen biliktilikti qalyptastyrǵan 21 general osy Almaty akademııasyn bitirýshileri. Ústimizdegi jyly QR ІІM Almaty akademııasy Zań ınıstıtýtyn 210 túlek bitirip shyqqan.
