ІІM Aqtaýda adamdardy jerleý faktileri boıynsha qyzmettik tergeý júrgizip jatyr

NUR-SULTAN. QazAqparat – Іshki ister mınıstrligi adamdardyń jerleý rásimine kóptep jınalý faktisi boıynsha qyzmettik tergeý amaldaryn júrgizip jatyr, dep habarlaıdy QazAqparat Polisia.kz saıtyna silteme jasap.

Іshki ister mınıstri Erlan Turǵymbaev Aqtaý qalasynda jerleý rásimine jurtshylyqtyń jappaı jınalý faktisi boıynsha qyzmettik tergeý júrgizýdi tapsyrdy.

Belgili bolǵandaı, 3-17 tamyz aralyǵynda Mańǵystaý oblysynda aımaqtyń Bas memlekettik dárigeri qaýlysynyń negizinde qatań shekteý sharalary engizildi, sonyń ishinde adamdardyń jappaı jınalýymen ótetin is-sharalarǵa tyıym salynǵan. Óńirde qatań shekteýler engizilgenine qaramastan, Mańǵystaý oblystyq polıtsııa departamentiniń basshylyǵy karantın rejımin buzýǵa jol bermeý boıynsha is-sharalardy ýaqytyly qoldanǵan joq.

Eske sala ketsek, Aqtaýda janazaǵa 100-den asa adam jınalǵandyǵyn budan buryn habarlaǵan bolatynbyz.