ІІM: 82 myńǵa jýyq qylmys «kóleńkeden» shyǵaryldy
ASTANA. 24 maýsym. QazAqparat - Aǵymdaǵy jyly 138,5 myń qylmys tirkeldi. Bul ótken jylmen salystyrǵanda 28 paıyzǵa artyq. Bul týraly búgin elordada QR Prezıdenti janyndaǵy Ortalyq kommýnıkatsııalar qyzmetindegi brıfıng barysynda Іshki ister mınıstri Qalmuhanbet Qasymov málim etti.
Mınıstr jalpy alǵanda eldegi krımınogendik jaǵdaıdy ótken jylmen salystyrǵanda esh ózgerissiz dep baǵalaıtynyn jetkizdi. «Mysaly, 2012 jyldyń qorytyndysy boıynsha 276 myń qylmys tirkeldi. Bul aldyńǵy jylǵa qaraǵanda 40,5 paıyzǵa artyq. Osylaısha, biz buryn búrkemelenip kelgen 82 myńǵa jýyq qylmysty «kóleńkeden» alyp shyqtyq. Olar negizinen tirkeý kezinde túrli aıla-sharǵyǵa ońaı iligetin urlyq, buzaqylyq jáne ózge de usaq qylmystar», - deıdi Q. Qasymov.
Onyń sózine qaraǵanda, qazaqstandaǵy qylmystyń qurylymynda múliktik-paıdakúnemdik baǵyttaǵy qylmystar basym sıpatqa ıe. Máselen, jalpy kórsetkishtiń 70 paıyzdan kóbi urlyq pen tonaý jáne qaraqshylyq shabýyldarǵa jatady. «Qylmystardyń 62 paıyzyn urlyq qurap otyr. Osy baǵyttaǵy qylmystaq sany 17,5 paıyzǵa ósti. Degenmen, sońǵy jyldary kámelet jasqa tolmaǵandar arasyndaǵy qylmys 19 paıyzǵa, al buryn sotty bolǵandardyń qylmysy 3,6 paıyzǵa azaıdy», - deıdi Q. Qasymov.
