ІІM: 4 myńnan asa qamaýdaǵy adam óz daýystaryn bere alady
ASTANA. QazAqparat - Іshki ister organdaryna qarasty ártúrli dárejedegi túzetý mekemelerinde otyrǵan 4 myńnan asa adam búgin Qazaqstanda ótip jatqan saılaýǵa qatysa alady. Bul týraly búgin Ortalyq kommýnıkatsııalar qyzmetinde ótken brıfıng barysynda Іshki ister mınıstriniń birinshi orynbasary Marat Demeýov málim etti.
«Búginde Іshki ister mınıstrligine qarasty arnaıy túzetý mekemelerinde daýys berýge quqyly tórt myńnan asa adam bar. Bul azamattardyń Konstıtýtsııalyq quqyǵyn oryndaý úshin saılaý komıssııasymen kelisile otyryp, birqatar arnaıy oryndarda saılaý ýchaskelerin qurdyq. Al, mundaı ýchaskeler qura almaǵan ózge túzetý mekemelerinde daýys berý dúńgirshikteri tasymaldanady», - dep túsindirdi ol.
Esterińizge sala keteıik, búgin Qazaqstan Respýblıkasynda Parlament Májilisiniń jáne barlyq deńgeıdegi máslıhat saılaýy ótip jatyr. Qazaqstan men shet elderdi qosa alǵanda, barlyǵy 9840 saılaý ýchaskesinde tańǵy saǵat 07.00 berý daýys berý júrip jatyr. Daýys berý keshki saǵat 20,00-de aıaqtalady.
