ІІM 2015 jylǵy bıýdjettik baǵdarlamalardyń úzdik ákimshisi bolyp tanyldy
ASTANA. QazAqparat - Qazaqstan Respýblıkasy Qarjy mınıstrligi Qazynashylyq komıteti bıýdjetti atqarýdyń sapasyn kóterý, qarjylyq tártipti jaqsartý, bıýdjettik baǵdarlamalar ákimshileri men memlekettik mekemelerdiń (budan ári - BBÁ jáne MM) býhgalterlik qyzmetteriniń biliktilik deńgeıin kóterý maqsatynda aǵymdaǵy jyly alǵashqy ret BBÁ jáne MM arasynda 2015 jyldyń qorytyndysy boıynsha reıtıng júrgizdi.
Reıtıng Qazynashylyq komıteti tóraǵasynyń 2015 jylǵy 16 qyrkúıektegi №144 «Úzdik bıýdjettik baǵdarlamalar ákimshisi» jáne «Úzdik memlekettik mekeme» ataǵy nomınatsııalary boıynsha reıtıng júrgizý boıynsha ádistemesin bekitý týraly» buıryǵynyń negizinde júrgizildi.
Reıtıng bıýdjetti atqarý sapasyn sıpattaıtyn kórsetkishter negizinde belgilendi.
Baǵalaý qorytyndysy boıynsha «2015 jylǵy bıýdjetti atqarý boıynsha bıýdjettik baǵdarlamalardyń Úzdik ákimshisi» nomınatsııasynda Qazaqstan Respýblıkasy Іshki Іster mınıstrligi jeńimpaz atandy.
Qazynashylyq komıteti memlekettik mekemelerdi baǵalaýdy aldaǵy ýaqytta da jyl saıyn júrgizetin bolady, dep habarlaıdy ІІM baspasóz qyzmeti.
