ІІM:1 aqpan men 31 naýryz aralyǵynda zańsyz saqtalǵan qarý-jaraqtar men oq-dárilerdi turǵyndardan satyp alý aktsııasy ótedi
ASTANA. 1 aqpan. QazAqparat - «Atys qarý, oq-dári jáne jarylǵysh zattardy qoldanýmen baılanysty qylmystardyń aldyn alý maqsatynda Іshki ister mınıstrligi 2012 jylǵy 1 aqpan men 31 naýryz aralyǵynda
halyqtaǵy zańsyz saqtaýdaǵy atys qarýdy, oq-dárini jáne jarylǵysh zattardy satyp alý aktsııasyn ótkizedi», - dep habarlaıdy ІІM-niń Kóliktegi ishki ister departamentiniń baspasóz qyzmeti.
Atalmysh aktsııa talaptaryna sáıkes, tirkelmegen atys qarýyn, oq-dárini jáne jarylǵysh zattardy erikti tapsyrǵan adamdar qylmystyq jáne ákimshilik jaýapkershilikten bosatylady. Sonymen qatar qarý-jaraqtaryn erikti túrde tapsyrǵan azamattarǵa memleket tarapynan qarjy tólenedi. Qarjynyń kólemi ár qarý birligi úshin onnan bastap júz eselik aılyq eseptik kórsetkishke deıin kózdelgen. Atys qarýyn jáne oq-dárini jáne jarylǵysh zattardy qabyldaý ishki ister organdarynyń árbir aýmaqtyq bólimshelerinde júrgiziledi.
Іshki ister mınıstrligi jaraqat alýdyń aldyn alý maqsatynda qandaı da bir jaǵdaıda tabylǵan jarylǵysh zattar men oq-dárilerdi saqtamaýǵa jáne olardy paıdalanbaýǵa shaqyrady. Qarý nemese oq-dári tabylǵan jaǵdaıda polıtsııanyń kez-kelgen bólimshesine 102 telefony nemese uıaly telefon arqyly 112 nómirine habarlaýdy suraıdy. Іshki ister mınıstrligi ótkizilip jatqan aktsııany turǵyndardyń qoldaıtynyna jáne oǵan belsendi qatysatynyna senedi.
