ІІІ toqsanda Qytaı ekonomıkasy 8,9 paıyzǵa ósti
BEIJІŃ. Qazannyń 23-i. QazAqparat /Rýslan Súleımenov/ - Úshinshi toqsanda Qytaı ekonomıkasynyń ósýi 8,9 paıyzdy qurady.
Bul týraly beısenbi kúni Beıjińde ótken baspasóz máslıhatynda Qytaı Halyq Respýblıkasy Memlekettik statıstıka basqarmasynyń ókili Lı Sıaochao málim etti.
Onyń aıtýynsha, aǵymdaǵy jyldyń qańtar-aqpan aıyndaǵy kúrt baıaýlaýǵa qaramastan, Qytaıdyń jalpy ishki ónimi 9 aıdyń qorytyndysy boıynsha 7,7 paıyzǵa ósip otyr. Atap aıtqanda, Qytaı ekonomıkasynyń ósý qarqyny ІІІ toqsanda eselenip, ótken jyldyń sáıkes kezeńimen salystyrǵanda 8,9 paıyzdy qurady.
«Belgilengen maqsatqa - 8 paıyzdyq ósýdi qamtamasyz etý maqsatyna qol jetkizýimizge barlyq múmkindik bar dep senimmen aıta alamyz. Oǵan eshqandaı kúmán joq», dep atap kórsetti Lı Sıaochao óz sózinde.
