ІІІ «Serper» qazaq halyq aspaptar festıvaline 5 oblystyń óner ujymdary qatysady
ASTANA. 15 maýsym. QazAqparat - Elordadaǵy Qazaq ulttyq ýnıversıtetiniń organ zalynda ІІІ «Serper» qazaq halyq aspaptar respýblıkalyq festıvaliniń ashylýy ótedi.
Astananyń týǵan kúnin toılaýǵa arnalǵan is-sharalar tizimin bıylǵy jyly kóptegen jobalar tolyqtyrýda. Olar halyq mýzykasyn, qazaqtyń ulttyq aspaptaryn, bıleri men dástúrlerin keńinen nasıhattaıdy. Qazaq baǵzy zamannan án men kúıge jaqyn halyq. Halyq ánderi men dáýlesker kúıshilerdiń qaldyryp ketken baǵa jetpes muralary osyǵan tolyq dálel. Sondyqtan «Serper» qazaq halyq aspaptar festıvaliniń orny men mańyzy erekshe. Ol merekeniń sánine sán qosady.
«Halyq aspaptar orkestriniń óneri «Nazarbaev ortalyǵy» konferents zalynda, al gala-kontserti «Qazaq eli» monýmenti alańynda ótetindigi josparlanǵan, - dep habarlaıdy Astananyń 15 jyldyq merekesin ázirleý jáne ótkizý jónindegi uıymdastyrý komıteti shtabynyń medıatoby.
Festıvalde M.Óskenbaev atyndaǵy Mańǵystaý oblysynyń halyq aspaptar orkestri, I.Baızaqov atyndaǵy Pavlodar oblystyq fılarmonııasynyń halyq aspaptar orkestri, Jambyl oblystyq fılarmonııasynyń halyq aspaptar orkestri, E.Ómirzaqov atyndaǵy Qostanaı oblystyq fılarmonııasynyń halyq aspaptar orkestri, N.Jantórın atyndaǵy Atyraý oblystyq «Naryn» folklorlyq orkestri óner kórsetedi.
Astana kúnine arnalǵan ІІІ «Serper» qazaq halyq aspaptar respýblıkalyq festıvaliniń gala-kontserti 6 shilde kúni «Qazaq eli» monýmenti alańynda ótedi.
