III Charlz patsha qazaqstandyqtardy Respýblıka kúnimen quttyqtady
LONDON. KAZINFORM - III Charlz patsha Qazaqstan prezıdenti Qasym-Jomart Toqaevty jáne qazaqstandyqtardy Respýblıka kúnimen quttyqtady, dep habarlaıdy Kazinform tilshisi.
Ulybrıtanııanyń Qazaqstandaǵy elshiliginiń resmı Instagram akkaýntynda jarııalanǵan habarlamada ortaq jahandyq maqsattarǵa baǵyttalǵan eki el arasyndaǵy yntymaqtastyqtyń jalǵasatyndyǵyna senim bildirilgen.
«Men elderimiz arasyndaǵy baılanysty joǵary baǵalaımyn. Beıbitshilik pen órkendeý, qorshaǵan orta men klımattyń ózgerýi sııaqty mańyzdy jahandyq máseleler boıynsha qarym-qatynastymyz jalǵasyn tabady dep úmittenemin. Bul bastamalardyń bolashaq urpaǵymyz úshin bereri kóp,» – dedi ІII Charlz patsha óziniń quttyqtaýynda.
Sondaı-aq Charlz patsha men Kamılla patshaıym Qazaqstan halqyna aldaǵy jylǵa degen ıgi tilekterin jetkizdi: «Men jáne jubaıym osy múmkindikti paıdalana otyryp, Sizderge jáne Qazaqstannyń barlyq azamattaryna jyly lebizderimizdi jetkizgimiz keledi».
Bul quttyqtaý basqa da áleýmettik jelilerde keńinen taralyp, oqyrmandar tarapynan keń qoldaýǵa ıe boldy.
