III Baikonyr SFF: Azat Jumadil úzdik akter atandy
ASTANA. QazAqparat - Qazaqstandyq kartına III Baikonyr Short Film Festival-dyń nomınatsııasynda jeńiske jetti, dep habarlaıdy QazAqparat.
III Baikonyr Short Film Festival 20-23 qyrkúıek aralyǵynda Almaty qalasynda ótti.
«Qazaqfılm» kınostýdııasynyń baspasóz qyzmetinen málim etkendeı, baıqaýǵa kınostýdııanyń jeti fılmi qatysqan. Olar: Berik Jahanovtyń «Asan», Venera Qaıyrjanovanyń «Tyǵylmaq», Ádil Musataevtyń «Hat», Alen Rahmetalıevtiń «Sońǵy muǵalimi» (kórkem fılmder baǵdarlamasy), Qaısha Rahymovanyń «Naırı», Kamıla Ábdildınova men Kamıla Berdimuratovanyń «Óıtkeni súıemin» jáne Evgenıı Lýmpovtyń «Túster úılesimi» (derekti fılmder baǵdarlamasy) qatysqan.
Nátıjesinde, «Asan» fılminiń bas keıipkeri Azat Jumadil «Úzdik akter» atandy.
Aıta keteıik, fılmderdiń barlyǵy derlik QR Mádenıet jáne sport mınıstrliginiń tapsyrysy boıynsha túsirilgen.
«Asan» fılmi ákesiniń jerleýine qatysý úshin jolǵa shyqqan bozbala týraly baıandaıdy. Buǵan deıin kartına 71- shi Halyqaralyq Kann kınofestıvaliniń Short Film Corner aıasynda kórsetilgen bolatyn.
Jalpy, baıqaýǵa kelip túsken 195 ótinimniń 47-i iriktelip alynǵan. «Baikonyr SFF» jeńimpazdary 13 nomınatsııa boıynsha anyqtaldy:
Gran-prı - «Qosh bol, dosym», Tımýr Serdalın
«Úzdik rejısser» - «Qosh bol, dosym», Tımýr Serdalın
«Úzdik operator» - «Uzbek elegy», Baqtııar Islamov
«Úzdik stsenarıı» - «Qosh bol, dosym», Jánibek Murtazın
«Úzdik akter» - «Asan», Azat Jumadil
«Úzdik aktrısa» - «Samal», Janel Alıkova
«Úzdik qoıýshy-sýretshi» - «Órkesh», Ivan Ardashov
«Úzdik dybystaý» - «Chempıon», Marııa Valýıskaıa, ıÝlııa Reıman, Seıit Tasbolatov
«Úzdik anımatsııalyq fılm» - «Órkesh», Ivan Ardashov
«Úzdik derekti fılm» - «Qasapshynyń bir kúni», Nursultan Nusqabekov
«Úzdik eksperımenttik fılm» - «Ólim aldyndaǵy balalardy unatamyn», Álibek Ábdihalyq
«Arnaıy tóreshiler syılyǵy» - «Qystyń sońy», Ámir Ámenov
