ІІІ Azııa kýbogynda qazaqstandyq qyzdar London Olımpıadasynyń qola júldegerlerin 3:1 esebimen utty
ALMATY. 12 qyrkúıek. QazAqparat - Búgin Almatyda voleıboldan áıelder arasyndaǵy ІІІ Azııa kýbogy men «QR Prezıdenti kýbogy» HІH Halyqaralyq týrnıriniń toptyq kezeńiniń aqtyq kezdesýleri ótip jatyr.
«A» tobynda baq synap jatqan Aleksandr Gýtor jattyqtyratyn qazaqstandyq qyzdar, buǵan deıin taıpeılikterdi 3:0, koreılerdi 3:1 esebimen utqan bolatyn. Endi olar birdeı 6 upaı jınaǵanymen, taıpeılikterdi de, koreılerdi de 3:0 esebimen utyp týrnır kestesinde birinshi orynǵa shyqqan Taıland quramasymen kúsh synaspaq. Eger olar bul saıysta da basym tússe 14-inshi qyrkıúek kúni «V» tobynda tórtinshi oryn alǵan, al jeńilse úshinshi oryn alǵan komandamen kezdesedi. Qazir «V» tobynda 6 upaımen qytaılyqtar birinshi, 3 upaımen japondyqtar men vetnamdyqtar 2-3 oryndy ózara bólisse, qorjynynda birde-bir upaıy joq ırandyqtar tórtinshi orynda kele jatyr.
Jalpy FIVB reıtınginde 12-satyda turǵan Taıland quramasy 2011 jylǵy Azııa chempıonatynda tórtinshi oryn alǵan bolatyn. Olar 1 ret Azııa chempıony (2009), 2 ret qola (20001, 2007) júldeger, 1 ret Azııa kýbogynyń kúmis júldegeri (2010), 1 ret qola (2008) júldegeri atanyp, bıyl Álemdik Gran-prı dodasynda tórtinshi oryn alǵan bolatyn. Al FIVB reıtıngide 32-shi orynǵa taban tiregen qazaqstandyqtar byltyrǵy Azııa chempıonatynda 9-shy oryndy qanaǵat tutqan edi. Olardyń enshisinde 2005 jylǵy Azııa chempıonatynyń kúmis júldesi ǵana bar.
