ІІІ Astana ekonomıka forýmyna álemniń 50 elinen 2 myńnan asa ókil qatysady
ALMATY. Mamyrdyń 19-y. QazAqparat /Erlik Erjanuly/ - ІІІ Astana ekonomıka forýmy jyldan-jylǵa óz aýqymyn keńeıtip, kúshin ulǵaıtyp kele jatyr. Ony QR Prezıdentiniń kómekshisi Baqyt Sultanov búgin Almatyda ótkizgen baspasóz máslıhatynda aıtty,
dep habarlaıdy QazAqparat.
Shildeniń 1-2-de ótetin ІІІ Astana ekonomıkalyq forýmy "Daǵdarystan keıingi kezeńdegi ornyqty ekonomıkalyq damý" degen taqyryppen ótkeli otyr. Ekonomıkalyq suhbat alańdarynyń birine aınalǵan bul forýmnyń avtory 2007 jyly Sank-Peterbýrg ekonomıkalyq forýmynda QR Prezıdenti kótergen ıdeıa boıynsha qurylǵan ǵalymdardyń eýrazııalyq ekonomıkalyq klýby. Oǵan birqatar halyqaralyq qaýymdastyqtar men túrli joǵary oqý oryndary jáne 39 eldiń ǵylymı ortalary enedi.
"Byltyr bul sharaǵa álemniń alys-jaqyn shet elderinen saıası jáne iskerlik ortanyń 1 myń ókili qatysqan bolatyn. Bıyl, qazirdiń ózinde 1200 adam tirkelip otyr. Forým jumysyna qatysýǵa óz kelisimin bergender arasynda ekonomıka ǵylymy boıynsha Nobel syılyǵynyń 3 laýreaty bar. Onyń ashylý rásiminde QR Prezıdenti Nursultan Nazarbaev, EQYU-nyń Bas hatshysy Mark Perren de Brıshambo, BUU-nyń Eýropalyq ekonomıkalyq komıssııasynyń Bas hatshysy ıAn Kýbısh, Nobel syılyǵynyń 2004 jylǵy ekonomıka salasyndaǵy laýreaty Fınn E. Kıdland, BUU-nyń ónerkásiptik damý jónindegi Bas dırektory Kande K. ıÝmkella jáne taǵy basqa qurmetti meımandar sóz sóıleýi josparlangyp otyr", dedi QR Prezıdetiniń kómekshisi Baqyt Sultanov. Onyń aıtýynsha, forýmnyń alǵashqy kúni kórme, Innovatsııalyq kongress, Ónerkásipshiler men kásipkerlerdiń iskerlik forýmy, Strategııalyq josparlaýda "Jasyl damý" qaǵıdalary boıynsha yqpaldasý mehanızmderi týraly sessııa májilisi, "Álemdegi memlekettik-jeke áriptestik ortalyqtary" dep atalatyn konferentsııa, Adam resýrstaryn basqarý jónindegi dóńgelek ústel májilisi ótedi. Al ekinshi kúni Innovatsııalyq kongress óz jalǵasyn taýyp, paneldik sessııalar "Ǵalamdyq energo-ekologııalyq strategııany qalyptastyrý", «Islamdyq qarjylandyrýdy retteý mehanızmderi», "Ekonomıkalyq yqpaldastyq", "Eldiń daǵdarystan keıingi damýyndaǵy jastardyń róli", " Álemdik jańa qarjy sáýletin qurý" degen taqyryptarda ótedi. Sondaı-aq memlekettik-jeke áriptestikti damytý múmkindikteri týraly dóńgelek ústel basqosýy bolady.
