ІІІ Astana ekonomıka forýmy kezinde Memlekettik-jeke áriptestiktiń biryńǵaı negizin qurý týraly memorandýmǵa qol qoıylady
ALMATY. Mamyrdyń 19-y. QazAqparat /Erlik Erjanuly/ - Qazaqstanda Memlekettik-jeke áriptestiktiń halyqaralyq ortalyǵy qurylýy múmkin. Ony QR Prezıdentiniń kómekshisi Baqyt Sultanov búgin Almatyda ótkizgen baspasóz máslıhatynda aıtty,
dep habarlaıdy QazAqparat.
"Shildeniń 1-2 kúnderi ótetin ІІІ Astana ekonomıka forýmy kezinde "Álemdegi memlekettik-jeke áriptestik ortalyqtary" dep atalatyn konferentsııa ótedi. Ony uıymdastyryp otyrǵan Ekonomıkalyq damý jáne saýda mınıstrliginiń janyndaǵy Memlekettik-jeke áriptestik ortalyǵy. Ol osy ýaqytqa deıin Germanııa, Gollandııa, Frantsııa sııaqty kóptegen shet elderdegi memlekettik-jeke áriptestik ortalyqtarymen yntymaqtastyq týraly kelisimge qol qoıdy", deıdi QR Prezıdentiniń kómekshisi Baqyt Sultanov. Onyń aıtýynsha, Memlekettik-jeke áriptestik ortalyqtarymen Qazaqstanda halyqaralyq ortalyq qurý máselesi talqylanyp jatyr. Forým kezinde arnaıy konferentsııa jumysynyń qorytyndysy boıynsha Memlekettik-jeke áriptestiktiń biryńǵaı negizin qurý týraly memorandýmǵa qol qoıý sharasy josparlanyp otyr.
"Daǵdarystan keıingi damý týraly daǵdarys kezinde aıtý kerek. Búginde bul saýal álemniń barlyq elin alańdatýda. Endi osy úderiske jáne kelesi daǵdarysqa daıyndalý qajet. Úlken jıyrmalyqtyń Torontodaǵy jáne Seýldegi eki sammıtiniń arasynda ótetin ІІІ Astana ekonomıkalyq forýmy suhbatyna qatysýshylar úshin bul kókeıkesti másele bolyp otyr", deıdi Baqyt Sultanov.
