ІІІ Almaty marafonyn uıymdastyrýshylar «Dom» qaıyrymdylyq úıine 10 mln. teńge tapsyrdy
ALMATY. QazAqparat - Almaty marafonyn uıymdastyrýshylar «Dom» qaıyrymdylyq úıine 10 mln. teńge tabystady.
«20 sáýirde Almatyda ótken ІІІ marafon qaıyrymdylyq maqsatta uıymdastyrylǵan edi. Qazir jınalǵan qarjy 10 mln teńgeni qurady. Bul soma mıdyń qaterli isigine shaldyqqan Darına Lıkti, kóz torynyń isigine shaldyqqan Artem Kýznetsovty emdeýge jumsalady», - dedi uıymdastyrýshylar.
«Almaty marafonyn uıymdastyrýdyń maqsaty da aýyr dertke shaldyqqan balalardy emdeýge qarjylaı kómek kórsetý bolatyn. Ol ár adamnyń qaıyrymdylyq isine óziniń tıtteı de bolsa úlesin tıgizýge, muqtaj jandardyń jaǵdaıyna qoǵamnyń nazaryn aýdarýǵa múmkindik berdi», - dedi ІІІ Almaty marafonynyń dırektory Saltanat Qazybaeva.
Esterińizge sala keteıik, 2012 jyly І Almaty marafonynyń arqasynda 292 505 teńge jınalyp, sal aýrýyna shaldyqqan sábılerdi emdeýge jumsalǵan bolatyn. Al, 2013 jyly 2 752 100 teńge «ARDI» qoryna aýdarylyp, sal aýrýyna shaldyqqan balalar akvatorııin jabdyqtaýǵa baǵyttaldy.
