IIHF Bochenskı, Doýs pen Boıdqa ÁCh-de Qazaqstan quramasy sapynda oınaýǵa ruqsat berdi
ASTANA. QazAqparat - Qazaqstannyń shaıbaly hokkeı federatsııasy Halyqaralyq hokkeı federatsııasymen astanalyq «Barystyń» oıynshylary - Brendon Bochenskı, Naıdjel Doýs jáne Dastın Boıdtyń 2016 jylǵy álem chempıonatyna qatysatyny týraly kelisim jasasty, dep habarlady «R-Sport» agenttigine QHF jaýapty hatshysy Gleb Karataev.
Hokkeıden álem chempıonaty Máskeýde, Sankt-Peterbýrgte 6-22 mamyr aralyǵynda ótedi. Elıtalyq dıvızonǵa qaıtyp oralǵan Qazaqstan quramasy Máskeýde A tobynda Reseı, Shvetsııa, Chehııa, Shveıtsarııa, Latvııa, Norvegııa, Danııa komandalarymen oınaıdy. Bochenskı (AQSh týmasy), Doýs pen Boıd (ekeýi de - Kanada) týrnırge daıyndalý, qatysý úshin Qazaqstan quramasynyń keńeıtilgen tizimine endi.
