IIDM A4 formatty qaǵaz baǵasynyń ósýine qatysty túsinik berdi

NUR-SULTAN. QazAqparat - 2021 jyly ishki naryqta paıdalaný úshin Qazaqstanǵa A4 formatyndaǵy keńse qaǵazynyń 20,4 mln qaptamasy (51 myń tonna) jetkizildi. Onyń ishinde, 61% (31,3 myń tonna) ­– Reseı Federatsııasynan, 30% (15,1 myń tonna) – Túrkııadan, 8% (4 myń tonna) QHR-dan ımporttaldy, dep habarlaıdy QazAqparat.

Osylaısha, Qazaqstan naryǵynda A4 formatyndaǵy qaǵaz ónimderiniń basym bóligi «Snegýrochka» jáne SvetoCopy brendterimen usynylǵan.

2021 jyldyń qorytyndysy boıynsha A4 qaptamasynyń ortasha kóterme baǵasy 1,5 myń teńgeni qurady. 2022 jylǵy naýryzǵa qaraı baǵalar orta eseppen bir myń teńgege nemese 67%-ǵa ósti. Qazir iri jetkizýshiler keńse qaǵazynyń 1 qaptamasyn 3 myń teńge kóterme baǵamen saýdalaıdy.

Baǵanyń ózgerýi Batys Eýropadan qaǵaz shıkizatyn aǵartýǵa arnalǵan reagentterdi jetkizýdegi irkilisterge baılanysty jáne RF-da keńse qaǵazyn óndirý kóleminiń qysqarýyna oraı oryn alyp otyr.

Aıta keterligi, Qazaqstanda keńsege arnalǵan qaǵazdy kesý jáne oraý boıynsha eki zaýyt jumys isteıdi. Ótken jyly kásiporyndar 600 myń A4 qaǵaz býmasyn óndirgen bolatyn, bul ishki naryqtaǵy barlyq tutyný kóleminiń 5%-yn quraıdy.

«Qagaz Ordasy» JShS jylyna 3 mln býma, al «Goida.kz» 3,6 mln A4 keńse qaǵazyn shyǵaratyn óndiristik qýatqa ıe. Kesýge jáne býyp-túıýge arnalǵan qaǵaz oramdary túrindegi shıkizattyń negizgi bóligi RF men Fınlıandııada óndiriledi. Alaıda, reseılik zaýyttar bul kompanııalarǵa qaǵaz oramdaryn tikeleı satpaı, olardy Qazaqstandaǵy óz ókilderi («Lıtan» JShS jáne «Rezervsnab Plıýs») arqyly saýdalaıdy. Sáıkesinshe, saýda-sattyqty shektep otyr.