ІІD «Nurly jol» vokzalyndaǵy oqys oqıǵa týraly aıtty
ASTANA. QazAqparat - Astanadaǵy «Nurly jol» vokzalynyń avtoturaǵynda jol-kólik oqıǵasy boldy, dep habarlaıdy QazAqparat tilshisi.
Jeńil kólik shyny qabyrǵany jaryp ǵımarat parkınginen shyǵyp ketken. Oqys oqıǵanyń vıdeosy jelide jarııalanǵan.
Astana ishki ister departamenti osy oqıǵanyń bolǵanyn rastady.
«12 tamyz kúni saǵat 19:40 shamasynda «Nurly jol» temirjol vokzalynyń avtoturaǵynda kólik júrgizýshisi rýldi basqara almaı, tosqaýyldy (parkıng vıtrınasy men eskalatorlar) buzyp ótken», - delingen habarlamada.
Osy derek boıynsha ákimshilik is qozǵaldy. Oqıǵadan eshkim zardap shekken joq.
Júrgizýshiniń mashınasy kommýnaldyq aıyppul turaǵyna qoıyldy.
