ІІD: Almaty kóshesindegi úlken shardan eshkim zardap shekken joq
ALMATY. QazAqparat - Áleýmettik jeli paıdalanýshylary Almaty kósheleriniń biriniń júrginshi bóliginde úlken shardyń domalap bara jatqany týraly vıdeony talqylaýda. Kólikterdiń bul zatty aınalyp ótýinek ne bolmasa, ótkizip jiberýine týra kelýde.
ІІD baspasóz qyzmetinde vıdeo zerdelenip jatqany atap ótiledi. Aldyn ala derekter boıynsha budan eshkim zardap shekpegen.
Instagramda ztb_video paraqshasynda vıdeorolık paıda boldy. Onyń qaı kóshede oryn alǵanyn paıdalanýshy naqtylap jazbaǵan. Sondaı-aq onyń qaıdan paıda bolǵany jaıly da aqparat joq.
Keıbir jeli paıdalanýshylary ony dekoratıvtik konstrýktsııadan qulaǵan zat deýde. Al keıbiri ony qurtqa uqsatyp, qaljyńǵa aınaldyrýda.
