ІІD Aqtóbedegi atys týraly aqparatty rastaǵan joq
AQTÓBE. QazAqparat - Aqtóbe oblysy, Keńkııaq aýylynda atys boldy degen aqparat tekserilip jatyr. Oblystyq ІІD-niń baspasóz qyzmeti bul málimetti rastaǵan joq, dep habarlaıdy QazAqparat tilshisi.
Áleýmettik jeli arqyly Aqtóbeniń Kenqııaq aýylynda polıtsııa qyzmetkerleri ózara atysty degen aqparat tarap ketken bolatyn. Aqtóbe oblystyq ІІD baspasóz qyzmetiniń habarlaýynsha, aqparat rastalǵan joq.
«Qazirgi kúni aqparattyń qaıdan shyqqany týraly tekserý júrip jatyr. Qyzmettik tekserý bastaldy. Oqıǵanyń mán-jaıyn qosymsha habarlaımyz»,- dedi Aqtóbe oblystyq ІІD baspasóz qyzmeti.
Degenmen aýyl turǵyndary arasynda polıtsııa qyzmetkerleriniń ózara atysqany, tóbeleskeni týraly aqparat ýshyǵyp tur. Tipti bir polıtsııa qyzmetkeriniń qatty soqqy alǵany týraly aıtyp jatyr.
«Aýyl ishinde habar tez tarap jatyr. Qopa aýylynyń ýchaskelik polıtsııa qyzmetkeri soqqyǵa jyǵylǵan eken. Bireýler atysty, bireýler tóbelesti dep aıtty. Biz ómirimiz úshin qorqamyz, el alańdap otyr»,- dedi aty-jónin jasyryn qaldyrýdy ótingen aýyl turǵyny.
Aıta keteıik, 2011 jyly Aqtóbe oblysy, Shubarshı, Keńqııaq aýyldarynda bolǵan terrorlyq aktten soń mundaǵy polıtsııa qyzmetkerleriniń sany eki esege artyp, jańa ǵımarat paıdalanýǵa berilgen bolatyn.
