ІІ-shi qaıyrymdylyq baly qoǵamǵa balalar máselesin eske túsirýge múmkindik beretin shara - ıÝNISEF-tiń Qazaqstandaǵy ókili Hannaa Sınger
ALMATY. Qyrkúıektiń 7-si. QazAqparat /Názıra Eleýhan/ - Almaty qalasy úshin ІІ-shi qaıyrymdylyq baldyń mańyzdy da keremet, úlken mádenı shara. Bul týraly búgin Almatyda ótken arnaıy baspasóz máslıhatynda Almaty qalasy ákiminiń orynbasary Serik Seıdýmanov málimdedi,
dep habarlaıdy QazAqparat.
Onyń aıtýynsha, Almaty qalasynyń ádemiligin toltyra túsetin sharaǵa almatylyqpyn degen árbir adam bolyp qaıtýy qajet. "Qala ákimdigi TMD elderindegi eń iri balǵa qoldaýyn bildiredi jáne barlyq Almaty qonaqtaryn úlken mádenı sharaǵa shaqyramyz", dedi Serik Seıdýmanov.
ıÝNISEF-tiń Qazaqstandaǵy ókili Hannaa Sıngerdiń aıtýynsha, Bal qoǵamǵa balalar máselesin eske túsirýge múmkindik beretin shara. "Ár kelýshi bılet ala otyryp jáne baldy tamashalap, qatysa otyryp, múmkindigi shekteýli balalarǵa kómek bere alady", dep atap ótti.
Sharany uıymdastyrýshy, «Eventica Group» kompanııasynyń Bas dırektory Marat Omarovtyń aıtýynsha, ІІ-shi qaıyrymdylyq baly birinshi baldan da qyzyqty da, keremet bolmaq.
"Qazaqstandaǵy iri jobalardyń biri sanalatyn bıylǵy Balda jańa ózgerister bolmaıdy, jańa dástúrler de engizilmeıdi. Tek qatysýshy debıýtanttardyń sany qysqartyldy. Bıyl 56 jup qatysatyn bolady. Syıly debıýtanttar qatarynda reseılik akter Konstantın Krıýkov, elimizdiń belgili ánshileri Qaırat Túntekov, Asha Mataı jáne «Arnaý» dýeti bar. Saltanat sońynda ótken jylǵydaı Baldyń patshasy men patshaıymy retinde 4 jupty emes, bıyl bir jupty ǵana tańdap alatyn bolamyz", dedi Marat Omarov. Onyń aıtýynsha, Bal Qazaqstanda eshqashan óner kórsetpegen, álemge tanyma, ıtalııandyq tenor Alessandro Safınanyń qatysýymen erekshe bolmaq.
"Men bir de bir balǵa qatysqan emespin. Sondyqtan bul meniń birinshi debıýtim bolmaq. Meniń bıden basqanyń bárine qabiletim bar, sondyqtan durys bıleýdi qolǵa alaıyn dep otyrmyn", dedi baldyń debıýtanty, reseılik akter Konstantın Krıýkov. Uıymdastyrýshylardyń aıtýynsha, syıly debıýtanttardyń juptary ázirge qupııa.
Bıylǵy Qaıyrymdylyq baldy Reseıdiń halyq ártisi Svıatoslav Belza men qazaqstandyq aktrısa Qarlyǵash Muhamedjanova júrgizetin bolady. Baldy áýenmen árleıtin Memlekettik sımfonııalyq orkestrdi eń jas dırıjerlardyń biri, Eýropa elderinde tabysty óner kórsetip júrgen Marıýs Stravınskıı men qazaqstandyqtardyń kóńilinen shyqqan Vag Papıan basqaratyn bolady.
Uıymdastyrýshylardyń aıtýynsha, bılet satylymynan túsken tabystyń bir bóligi Qazaqstandaǵy ıÝNISEF baǵdarlamalary aıasynda múmkindikteri shektelgen balalar qoryna aýdarylmaq.
