II Halyqaralyq balet konkýrsynda qazaqstandyq Mádına Baspaeva jeńimpaz atandy
sp;ASTANA. Jeltoqsannyń 7-si. QazAqparat /Jasulan Amanbaıuly/ - Astanadaǵy Beıbitshilik jáne kelisim saraıynda jeltoqsannyń 5-inde ótken II Halyqaralyq balet konkýrsynyń Gran-Prı júldesin qazaqstandyq Mádına Baspaeva jeńip aldy, QR Mádenıet jáne aqparat mınıstrliginiń uıymdastyrýymen ótken baıqaýǵa Qytaı, Reseı, Ýkraına, Qyrǵyzstan, Ózbekstan jáne Qazaqstannyń balet óneriniń talantty jastary qatysyp, baqtaryn synaǵan bolatyn.
dep habarlaıdy QazAqparat.
Konkýrsqa qazylyq etken KSRO-nyń halyq ártisi, Memlekettik syılyqtyń laýreaty Lıýdmıla Semenıaka, Rım bı akademııasynyń rektory Margarıta Parılla, Beıjiń bı akademııasynyń professory Sıao Sý Hýa, japondyq «Toıota-Sıtı-Balet» horeografııalyq kolledjiniń bas dırektory Sýva Hıtoshı, Halyqaralyq balet konkýrstary federatsııasynyń tóraǵasy Sergeı Ýsanov jáne QR eńbek sińirgen óner qaıratkeri Tursynbek Nurqalıev Gran-Prı júldesine Mádına Baspaevany laıyqty dep tapty.
ІІ Halyqaralyq balet ártisteri konkýrsynyń 1-shi dárejeli syıaqyny Eldar Sársenbaev pen qytaılyq Gao Dje ıe boldy. 2-shi dárejeli syıaqyny reseılik Erıka Mıkırtıcheva, qazaqstandyq Nurlan Qonaqbaev jeńip aldy. 3-shi dárejeli syıaqy Qazaqstan baletshileri Gúlvıra Qurbanovaǵa, Dıdar Sársenbaevqa, Taıyr Gataýovqa jáne Nıkolaı Korshýnovqa buıyrdy.
Kórermender kózaıymyna aınalǵan Dosjan Tabyldy qazylar alqasynyń arnaıy marapattaryn enshiledi.
