II Elızavetanyń kúıeýi Fılıpp hanzada aýrýhanaǵa tústi

EDINBÝRG. QazAqparat – Ulybrıtanııa patshaıymy II Elızavetanyń zaıyby hanzada Fılıpp aýrýhanaǵa tústi. Bul týraly Býkıngem saraıy málim etti, dep habarlaıdy QazAqparat Euronews agenttigine silteme jasap.

«99 jastaǵy Edınbýrg gertsogy densaýlyǵy nashar bolǵandyqtan London aýrýhanasyna jatqyzyldy. Ol «birneshe kún baqylaýda bolyp, demalý úshin» sol jerde qalady. Bul saqtyq sharasy emdeýshi dárigerdiń usynysy boıynsha qabyldandy» delingen saraı málimdemesinde.

Birqatar aqparat kózi hanzadanyń aýrýhanaǵa jatýynyń koronavırýsqa qatysy joq ekenin aıtady.

Jaqynda úılený toıynyń 73 jyldyǵyn atap ótken bul jup vaktsınanyń alǵashqy dozasyn qańtarda aldy.

Preparattyń ataýy jarııa etilmegen.