ІІ Elızaveta patshaıymnyń apatqa ushyraǵan zaıyby polıtsııadan eskertý aldy
ASTANA. QazAqparat - ІІ Elızaveta patshaıymnyń zaıyby, 97 jastaǵy shahzada Fılıpke qaýipsizdik beldigin taqpaı kólik júrgizgeni úshin polıtsııa eskertý jasady, dep habarlaıdy «QazAqparat» HAA Reuters agenttigine silteme jasap.
Jeksenbi kúni brıtan baspasózi Edınbýrg gertsoginiń koroldik Sandrıngem ıeliginiń (Norfolk graftyǵy) mańynda kólikti qaýipsizdik beldigin taqpaı júrgizgen fotosýretin taratty.
«Júrgizýshige tıisti kólikti qalaı júrgizý qajet ekenin eskerttik. Ádette osyndaı sýretterdi kórgende osylaı isteımiz», - deıdi polıtseıler.
Eske sala keteıik, hanzada Fılıpp 18 qańtar kúni jol apatyna ushyraǵan bolatyn. Fılıpp Range Rover kóligin ózi tizgindegen. Keleńsiz jaǵdaı A149 tasjolyna shyǵar kezde bolǵan. Kýágerlerdiń aıtýynsha, apat saldarynan gertsogtyń kóligi aýdarylyp ketken.
