ІІ Elızaveta qyzmetin atqarýǵa kiristi
NUR-SULTAN. QazAqparat – Ulybrıtanııa patshaıymy Elızaveta ІІ ótken juma kúni joldasy Edınbýrg gertsogy Fılıpp dúnıeden ótkennen keıin qyzmetin atqarýǵa qaıta kiristi, dep habarlaıdy QazAqparat BBC News-ke silteme jasap.
Elızaveta ІІ patshalyq rásimderdi uıymdastyratyn Ýılıam Pıldyń lord-kamergerdiń qyzmetinen ketý saltanatyna qatysty.
Ýılıam Pıl óziniń otstavkaǵa ketetini týraly byltyr habarlaǵan edi. Ol bul qyzmette 14 jyl jumys istegen. Onyń ornyna MI-5-tiń burynǵy basshysy Endrıý Parker keledi. Ol patshaıym bıligi kezindegi segizinshi lord-kamerger atanbaq. Qazirgi kúni patshanyń otbasy eki aptalyq aza tutýda. Gertsogtyń jerleý rásimi senbi kúni Vındzor saraıynda ótedi. Otbasy músheleri «óz qyzmetterine saı mindetterin atqarýda» delindi.
Jeksenbi kúni patshaıymnyń uly Endrıý ІІ- Elızavetaǵa týraly onyń kúıeýiniń qazasyna baılanysty «keýdesi óksikke tolǵanyn» aıtqan edi. Ol «patshaıym biz kútkendeı, óte myqty adam ekenin kórsetti» dep qosty.
Senbi kúni tústen keıin josparlanǵan jerleý rásimi koronavırýs pandemııasy saldarynan shaǵyn, jınaqty ótedi. Degenmen Býkıngem saraıynan málim etkendeı, bul gertsogtyń óz tileginen týyndaǵan.
Sonymen qatar BBC News Sasseks gertsogy Garrı Ulybrıtanııaǵa áıeli Megan Marklsyz ushyp kelgenin habarlaıdy. Oǵan dárigerler úıde qalýǵa keńes bergen.
