ІІ Azııalyq jaǵajaı oıyndary aıasynda Omanda ótip jatqan halyqaralyq týrnırde qazaqstandyq sportshylar sátti óner kórsetýde
ALMATY. 14 jeltoqsan. QazAqparat /Erlik Erjanuly/ - Búgin Oman eliniń Maskat qalasynda ІІ Azııalyq jaǵajaı oıyndary aıasynda ótip jatqan halyqaralyq týrnırdiń 1/8 kezeńi ótedi.
Onda el namysyn áıelder arasynda Tatıana Mashkova men Irına Tsımbalova, erler arasynda Alekseı Sıdorenko men Dmıtrıı ıAkovlev qorǵaýda. Oman astanasynda 9 jeltoqsan kúni jalaýyn kótergen bul baıraqty básekede Tatıana-Irına juby alǵashqy kezeńde D tobynda 2-oryn alǵan bolatyn. Olar bul synda taılandtyq Tenpaksı-Sannok jubyna ǵana 0:2 esebimen utylyp, qalǵan oıyndarda japondyq Kýsana- Oıamany, shyǵystımýrlyq Klemen-Zınhany, taıpeılik Hsıeh-Lıýdy 2:0 esebimen tize búktirdi.
Búgin olar endi laostyq Fonedaný-Panı jubymen synǵa túsedi. Al alǵashqy kezeńde óz tobynda úzdik shyqqan Alekseı men Dmıtrıı bolsa japondyq Imaı men Hıdakı jubymen kezdesedi. Olar alǵashqy kezeńde laostyq Shıtsamon-Tammasın, túrikmenstandyq Tımýr-Arslan, ıemendik Adeb-Assardy 2:0 esebimen utqan edi.
