«Igromanka» — táýeldiliktiń qurbany bolǵan áıeldiń oqıǵasy

ASTANA. KAZINFORM — Kınotýyndy 1 mamyrdan bastap Qazaqstan kınoteatrlarynda kórsetiledi.

Fılmde Juldyz esimdi orta jastaǵy qazaq áıeliniń qumar oıynǵa táýeldiligi ony ózindik bolmysynan aıyrady. Mansabyn, otbasyn, jeke basyn táýekelge tigip, bárinen aıyrylady. Biraq ol jańa ómir bastaý úshin kúsh taba ala ma, álde táýeldiliktiń tuzaǵyna qaıta túsip qalady ma?

Basty róldi Gúzel Jan somdaǵan. Al onyń rejısseri Aldııar Baırakımov («Paralımpıadashy»).

Fılm shynaıy oqıǵa negizinde túsirilgen jáne elimizde keń taraǵan oıynqumarlyq máselesin kóteredi.

Sonymen qatar, túsirilim jumystary Astana men Býrabaıda júrgizildi. Premerany ótkizip alma!

Osyǵan deıin Úkimet basshysy Oljas Bektenov kınodan túsken aqshanyń ashyqtyǵyn jáne avtorlyq quqyqtyń saqtalýyn qamtamasyz etýdi mindettedi.