Igor Son Katarda aýyr atletıkadan kúmis enshiledi
ASTANA. QazAqparat - Katardyń Doha qalasynda aýyr atletıkadan lıtsenzııalyq týrnır bastaldy. Jarystyń alǵashqy kúninde Qazaqstan qorjynyna bir kúmis tústi, dep habarlaıdy Olympic.kz.
61 kelige deıingi salmaq dárejesinde synǵa túsken Igor Son qossaıys qorytyndysy boıynsha kúmis medal ıelendi.
Ol julqa jáne serpe kóterýden de ekinshi oryn alǵanyn aıta ketý kerek. 
Osy salmaqtaǵy taǵy bir sportshymyz Arlı Chonteı tórtinshi oryndy qanaǵat tutty. 67 kelidegi Farhad Harkı de úzdik tórttikte.
Eske sala keteıik, Dohada osymen besinshi ret ótip jatqan halyqaralyq týrnır Olımpıada qarsańynda upaı úlestiredi.
