Igor Rogov quqyqtyq ádildik ornatý salasyndaǵy jumystardyń baǵytyn aıtty

NUR-SULTAN. QazAqparat – QR Prezıdenti janyndaǵy Adam quqyqtary jónindegi komıssııanyń tóraǵasy Igor Rogov komıssııanyń quqyqtyq ádildik ornatý salasynda atqaratyn jumystardyń negizgi baǵytyn atady, dep habarlaıdy QazAqparat tilshisi.

«Komıssııanyń búgingi otyrysynda barynsha durys taqyryptar tańdalǵan. Sebebi bul – búgingi kúnniń ózekti. Baspasózde, áleýmettik jelilerde densaýlyq saqtaý organdary qabyldaǵan keıbir áreketter jurt ishinde kúmán týdyryp jatady. Qabyldanǵan sheshimderdiń Konstıtýtsııaǵa sáıkestigi, zańǵa syıymdylyǵy, bireýdiń quqyǵyn buzatyny, otandyq medıtsınanyń sapasy qanshalyqty tıimdi ekeni týraly pikirtalastar týyndaıdy. Osy máselelerdiń bárin búgin komıssııa aıasynda talqylaýǵa halyqtyń densaýlyǵyn, eldiń qaýipsizdigin qorǵaýǵa baǵyttalǵan sharalardy anyqtaıtyn saladaǵy mańyzdy adam qatysyp otyr. Ol – Densaýlyq saqtaý mınıstri Alekseı Tsoı», - dedi Igor Rogov komıssııa otyrysnyda.

Otyrys aıasynda qaralǵan ekinshi másele qylmystyq protseske tartylǵan adam quqyqtaryn qorǵaýmen baılanysty boldy.

«Komıssııa qandaı da bir kúshtik is-qımyl jasaıtyn organ emes. Bizdiń kúshimiz, árıne, ózimizdi tıisti deńgeıde kórsete alǵanymyzǵa baılanysty. Sondaı-aq, usynystarymyzdyń ǵylymı negizi, olardyń quqyqtyq júıege qanshalyqty sáıkes keletini de mańyzdy. Bul turǵyda bizdiń komıssııanyń mindeti – quqyq tilin memlekettik quqyq qorǵaý jáne basqa da qurylymdardyń basty tiline aınaldyrý», - dedi komıssııa tóraǵasy.