Igor Nanaevtyń dostary Bas prokýratýraǵa onlaın-petıtsııa jazdy
Basketbolshynyń jaqyndary ony bir top adamdardyń tepkiniń astyna alǵandyǵyn aıtady. Osy árekettiń saldarynan, sportshy aýyr jaraqattar aldy. Jalǵyz adam bireýdi osynshalyqty jaǵdaıǵa jetkizýi múmkin emes, degen pikirde júrgen Nanaevtyń jaqyndary osy dostarynyń ólimine baılanysty áreketke nege tek bir ǵana adam kináli ekendigin bilgileri keledi.
Qazir tergeý jumystary obektıvti bolyp, kináliler ádil jazasyn alýy úshin Igordiń týystary men dostary osy oqıǵaǵa beı-jaı qaramaıtyn azamattardyń qoldaryn jınaýda.
Onlaı-petıtsııaǵa 1300-den astam qol jınaldy. Barlyǵy 10000 qol bolýy kerek. Sportshymen baılanysty qylmystyq istiń jan-jaqty qaralýyna Óskemen, Petropavl, Qostanaı men ózge de qalalardyń turǵyndary tipti Reseı qalalarynan da azamattar qoldaý kórsetýde.
Igor Nanaev 10 qazan kúni oblystyq aýrýhananyń jansaqtaý bóliminde kóz jumdy. Qazannyń 2-nen 3-ne qaraǵan túni túngi klýbtyń janynda bolǵan tóbeles kezinde bas súıeginen aýyr jaraqat aldy.