Igor Lepeha Shymkentte 6 adam qaǵyp ketken avtobýsqa qatysty túsinik berdi

ASTANA. QazAqparat – QR Іshki ister mınıstriniń orynbasary Igor Lepeha Shymkentte 6 adamdy qaǵyp ketken avtobýsqa qytysty pikir bildirdi, dep habarlaıdy QazAqparat tilshisi.

«Qylmystyq is qozǵadyq, sebepterin anyqtaımyz. Bul rette qol tejegishti baspaǵan júrgizýshiniń óziniń salǵyrttyǵy nemese avtobýsta tehnıkalyq aqaý bolýy múmkin», - dedi Igor Lepeha Májilistiń jalpy otyrysynda.

Onyń aıtýynsha, elimizde «Avtobýs» jedel-profılaktıkalyq is-sharasy ótkizilip turady. Onda júrgizýshiler, olardyń jol erejelerin saqtaýy, avtobýstardyń tehnıkalyq jaramdylyǵyn tekseriledi.

«Buryndary bizde baqylaýdyń tıisti túri bolatyn. Atap aıtqanda, avtokólik kásiporynynyń shyǵa berisindegi barlyq júrgizýshiler men kólikterdi tolyq tekseretin edik, biraq búginde ondaı múmkindik joq. Ekinshiden, kólikterdi toqtatý erejesi qashan jáne qandaı negizde, qaıda toqtata alatynymyzdy naqty rettep tur. Bul negizinen joldaǵy qozǵalys erejelerin buzý, ákimshilik quqyq buzý derekterine qatysty. Bul jaǵdaıda biz toqtatyp, áreket etemiz», - dedi mınıstrdiń orynbasary.

Budan buryn habarlanǵandaı, bıyl sáýir aıynyń basynda Shymkentte júrgizýshisi joq avtobýs 6 adamdy qaǵyp ketti.

Sonyń saldarynan 5 adam kóz jumdy.