Igor Lepeha: Qıylysta turǵan polıtseıge alataıaqty qaıtarý usynysymen kelisemin
ASTANA. QazAqparat - ІІM Ákimshilik polıtsııa komıtetiniń tóraǵasy Igor Lepeha qıylysta turǵan polıtseılerge alataıaqty qaıtaryp berý usynysymen kelisetinin aıtty, dep habarlaıdy QazAqparat.
«Búgin qıylystarda qozǵalysty retteıtin polıtseılerge alataıaqty qaıtarýǵa qatysty usynys aıtyldy. Sondyqtan bul máseleni taǵy bir pysyqtap shyqpaqpyz. Óz tarapymnan qıylysta turǵan polıtseı is-qımylynda alataıaqpen baǵdardy kórsetý áreketteri túsiniktirek bolatynymen kelisemin. Senattyń usynysymen bul máseleni Úkimette kótermekpiz. Jalpy, kólik júrgizýshisin toqtatý úshin alataıaq kerek emes. Negizinen jol qozǵalysy erejesin buzǵandardy avtokólikpen júretin sholǵynshylar toqtatyp júr»,-dedi komıtet tóraǵasy Senatta ótken parlamenttik tyńdaýdan keıin tilshiler saýalyna jaýap berý barysynda.
Onyń sózine qaraǵanda, 2017 jylǵa deıin qoldanylyp kelgen polıtseılerdiń alataıaqtary jınaqtalyp, arnaıy saqtaý úshin qoımalarǵa jiberilgen.
Budan buryn habarlanǵanda ı, senator Serik Aqylbaı kóshe qıylysynda qozǵalysty retteıtin polıtseılerge alataıaqtardy qaıtaryp berýdi usyndy.
«Jol polıtseıleri osy alataıaqty ustamasa da, qıylysta qozǵalysty retteıtin qyzmetkerlerge ony qaldyrý kerek shyǵar. Ásirese, túngi ýaqytta bul alataıaqtar qajet. Men júrgizýshi retinde osy ózgeriske úırene almaı júrmin. Bul turǵyda ınternet jelisinde adamdardyń pikirleri kóptep aıtylýda»,-dedi depýtat.
