Igor Lepeha qamaýǵa alynǵan Qasymbaevtyń isine qatysty túsinik berdi
ASTANA. KAZINFORM – Іshki ister mınıstriniń orynbasary Igor Lepeha jaqynda qamaýǵa alynǵan Hasan Qasymbaevtyń isine qatysty pikir bildirdi.
«Qazir sol jerde bizdiń bir top qyzmetker jumys istep jatyr. Men bul taqyrypty egjeı-tegjeıli zerttemedim. Sondyqtan ony tıisti basqarmaǵa baǵyttaǵan jón. Qylmystyq is boıynsha tergeý aıaqtalǵannan keıin, olar óziniń jaýabyn beredi», - dedi I. Lepeha Parlament Májilisinde tilshiler suraǵyna jaýap bere otyryp.
Sonymen qatar jýrnalıster bul iske polıtsııa qyzmetkerleriniń qatysy bar-joǵyn surady.
«Bizdiń qyzmetkerlerge qatysty másele qaralyp jatqan joq. Jańadan ashylǵan mán-jaılarǵa baılanysty ol (H. Qasymbaev) aýyr qylmysqa qatysy bar degen kúdikpen ustaldy. Barlyq protsessýaldyq áreketterdi bizdiń qyzmetkerler birinshi kezeńde oryndady», - dedi mınıstrdiń orynbasary.
Taıaýda Almaty oblysynyń polıtsııasy Hasan Qasymbaevty qamaýǵa aldy.
Polıtsııa departamentiniń málimetine sáıkes, H.Qasymbaev 2021 jyly maýsymda A. atty azamatty urlap, densaýlyǵyna qasaqana aýyr zııan keltirdi degen kúdikpen ustaldy jáne ýaqytsha ustaý ızolıatoryna qamaldy.
Eske salaıyq, áleýmettik jelide Hasan Qasymbaev qylmystyq toptyń jetekshisi bolýy múmkin ekeni týraly aqparat taraǵannan keıin ol beıneúndeý jarııalaǵan bolatyn. Onda Qasymbaev eshqandaı qylmystyq topqa qatysy joq ekenin aıtty.
