Igor Dodon Moldova prezıdenti boldy
ASTANA. QazAqparat - Daýys berýdiń ekinshi kezeńiniń hattamalaryn 100 paıyz esepteý nátıjesi boıynsha, Moldova Respýblıkasynyń prezıdenti Sotsıalıster partııasynyń kóshbasshysy Igor Dodon boldy, dep habarlaıdy QazAqparat.
Bul týraly eldiń Ortalyq saılaý komıssııasynyń (OSK) saıtynda málim etildi.
Ekinshi kezeńde baqtalas Dodon men ońshyl oppozıtsııadan jalǵyz úmitker «Іs-áreket jáne tilektestik» partııasynyń basshysy Maıa Sanlý arasynda júrdi, dep habarlady Reseı jańalyqtary agenttigi. "Igor Dodon 52,18% nemese 835 210 daýys, Maııa Sandý - 47,82% nemese 765 460 daýys jınady", - dep habarlandy saıtta.
Moldova prezıdenti saılaýynyń ekinshi kezeńi jeksenbi kúni ótti.
Sotsıalıster kóshbasshysy saılaýaldy baǵdarlamasynda Reseımen strategııalyq áriptestikti qalpyna keltirýge, Moldava ónimin RF naryǵyna shyǵarýǵa, energetıkadaǵy yntymaqtastyqty retteýge nıetti ekenin aıtqan bolatyn.
