IGIL lańkesteri 120 oqýshyny urlady
ASTANA. QazAqparat - «Islam memleketiniń» lańkesteri Iraktyń soltústigindegi Mosýl qalasyndaǵy túrli mektepterden 120 oqýshyny urlaǵan, dep habarlady "Press-TV" ırandyq arnasy. Oqýshylardyń qaıda ekeni belgisiz.
Kúrdistan demokratııalyq partııasynyń aqparatynsha, IGIL-diń baqylaýyndaǵy Mosýlda lańkester Irak qaýipsizdik kúshterimen qaqtyǵysqanda jaraqattanǵan ózderiniń 20-dan astam sodyryn qoǵam aldynda atqan.
Osyǵan deıin Anbar batys provıntsııasynda IM ekstremısteri 30 ırak azamatyn óltirgen. Olardyń ishinde áıelder men balalar boldy. Olardy bılikpen jáne eldiń qarýly kúshimen baılanysta boldy dep kinálaǵan, dep habarlady TASS.
