IFFHS reıtıngi: Qazaqstandyq fýtbol klýbtary neshinshi orynda
ASTANA. QazAqparat -Halyqaralyq fýtbol tarıhy men statıstıkasy federatsııasy (IFFHS) 2017 jyldyń qorytyndysy boıynsha álemdegi úzdik fýtbol klýbtarynyń reıtıngin jarııalady, dep habarlaıdy QazAqparat rrosports.kz saıtyna silteme jasap.
Tizimdi madrıdtyq «Real» bastap tur. Bul oryndy da: «Real» ótken jyly Chempıondar lıgasynda, Ispanııa chempıonatynda, ÝEFA Sýperkýbogy men álemniń klýbtyq chempıonatynda jeńiske jetken bolatyn. Myqtylardyń úshtigine Lıbertadores kýbogynyń ıegeri «Gremıo» men Eýropa lıgasynyń jeńimpazy «Manchester ıÝnaıted» te enip otyr.
Qazaqstan ókilderi reıtıngtiń alǵashqy júzdigine enbedi. Bizdiń komandalar arasynda eń joǵary ornalasqany - «Astana» klýby. Ol 129-oryndy horvatııalyq «Splıt» klýbymen bólisip otyr. Bir jyldyń ishinde 57 pozıtsııa joǵaltqan elordalyq klýb 2016 jyly reıtıngtiń 72-shi satysynda turǵanyn eske sala keteıik.
«Qaırat» byltyrǵy 180-shi orynnan 157-ge kóterilip, kórsetkishin sál de bolsa jaqsartty. IFFHS kestesine engen qazaqstandyq klýbtardyń taǵy biri - pavlodarlyq «Ertis» 306-orynǵa jaıǵasqan.
