IFC Eýropalyq jáne ortalyqazııalyq retteýshilerge ozyq zańnamalyq tájirıbe men mıkroqarajattaýdy ıgerýge kómektesýde
ALMATY. Qyrkúıektiń 8-i. QazAqparat /Erbol Turymbetov/ - Búkilálemdik bank tobyna kiretin IFC Eýropa men Ortalyq Azııada mıkroqarjylandyrýdy damytý úshin zańnamalyq jáne ınstıtýtsııalyq ortany qalyptastyrýǵa kómek berýde. Ol mıkrokásipkerler men turǵyndardy qarjylandyrýda mol múmkindikter ashady,
dep habarlaıdy QazAqparat.
Bul maqsatta Ázirbaıjan, Bosnııa jáne Gertsogovına men Qazaqstan, Qyrǵyzstan, tájikstandyq retteýshilerge zańnamalyq tájirıbe men mıkroqarajattaýdy ıgerý maqsatynda Mońǵolııaǵa tanystyrylym týryn uıymdastyrady. Qazannyń 12-14-i aralyǵynda bolatyn saıahatta retteýshiler osy saladaǵy úzdik halyqaralyq qadamdarmen tanysatyn bolady. Ol óz elderindegi mıkroqarjylandyrýdyń retteý bazasyna meılinshe mol aqparattandyrylǵan deńgeıde jaqyndaýǵa jaǵdaı týǵyzady. Týrdy IFC jobasy boıynsha Ázirbaıjandaǵy jáne Ortalyq Azııa elderindegi mıkroqarjylyq ınstıtýttardyń qoldaýy aıasynda Nıderlandy Syrtqy ister mınıstrliginiń kómegimen uıymdastyryldy.
«IFC mıkrokásipkerler men turǵyndardy qarjylandyrýdy kózdeı otyryp, mıkroqarjylandyrý zańnamalarynyń kúsheıýine qyzmet jasaıtyn bolady. Bul jolda Mońǵolııa mıkroqarjy sektoryndaǵy basymdyqtardy kórsetýde óte qolaıly úlgi», deıdi IFC Eýropa men Ortalyq Azııadaǵy qarjy naryǵyn damytý konsýltatıvti baǵdarlamalarynyń aımaqtyq basshysy Rolf Berndt.
Damyǵan mıkroqarjylyq sektor jekeleı sektordyń ósýine yqpal jasaýshy jáne kedeıshilikti qysqartýda úlken mańyzǵa ıe. Búginde damýshy elderde 3 mıllıardtan astam adam qarjylandyrýǵa shekteýli túrde qol jetkizýde nemese tipti qol jetkize almaıdy. Al IFC bul damýshy elderde qarjylandyrýǵa mol múmkindikter ashý arqyly halyqtyń jaǵdaıyn jaqsartýǵa kómektesetin bolady.
