Iesiz qorap saldarynan Astana vokzalynyń jolaýshylary evakýatsııalandy
ASTANA. QazAqparat - Búgin, 9 jeltoqsan kúni túski saǵat 13.30 shamasynda Astana vokzalynyń kireberis esiginen ıesiz qorap tabylǵan. Qorap kúdik týdyrǵan soń, quqyq qorǵaý qurylymdarynyń qyzmetkerleri 500 jolaýshyny evakýatsııalaǵan. Bul týraly QazAqparat tilshisine QR ІІM Kóliktegi ishki ister departamentiniń baspasóz qyzmeti málim etti.
«9 jeltoqsan kúni saǵat 13.35-te Astana stantsııasyndaǵy ishki ister jelilik basqarmasyna vokzal kezekshisinen vokzaldyń shyǵa berisinde ıesiz qorap jatqandyǵy jóninde habarlama kelip tústi. Habarlama kele sala, barlyq quqyq qorǵaý qurylymdarynyń qyzmetkerleri, sonyń ishinde, kólik saqshylary, tótenshe jaǵdaılar men taǵy da basqa quqyq qorǵaý qurylymdarynyń qyzmetkerleri oqıǵa ornyna keldi. Birden qorap jatqan aýmaq qorshaýǵa alyndy. Vokzaldaǵy 500-den astam jolaýshy men vokzal qyzmetkerleri evakýatsııalandy»,-dep habarlady kóliktegi ІІD-niń baspasóz qyzmeti.
Abyroı bolǵanda, qala vokzalynyń kireberisinde jatqan qorapta qaýipti dúnıe bolmaǵan.
«Saǵat 14.35-te qoraptan qaýipti zat bolmaǵany anyqtaldy. Qazir vokzal qalypty jumysyn jalǵastyryp jatyr»,-dep atap ótti baspasóz qyzmetiniń ókili.
