Iesiz ıtterdi aýlaý jumystary endi beınekameraǵa túsiriledi
ALMATY. QazAqparat - Almatydaǵy ıesiz úı haıýanattaryn aýlaý qyzmetiniń jumysy beınekameraǵa tirkelip otyrady. Bul týraly Almaty qalalyq aýyl sharýashylyǵy jáne veterınarııa basqarmasynyń basshysy Aıdyn Kerimbek málimdedi, dep habarlaıdy «QazAqparat» HAA tilshisi.
«It aýlaýǵa shyqqan mamandarymyzdy beınekameralarmen jabdyqtaımyz. Ol haıýanattar tıeletin kólikke ornatylady jáne jumysshylardyń keýdelerine ilinedi. Áıtpese shaǵym kóp, dálel joq. Jumysshylar kamerany óshire almaıdy»,-dedi A.Kerimbek.
Iesiz úı haıýanattaryn aýlaý kezinde ozbyrlyq kórsetken jumysshylar jazaǵa tartylyp, tipti jumystan qýylmaq.
Vedomstvonyń habarlaýynsha, ótken jyly qalalyq veterınarııa qyzmeti kóshelerden 23 309 bas ıt pen 578 mysyq ustaǵan, onyń ishindegi 2 975 ıt pen 340 mysyq ıelerine qaıtarylǵan. Almatydaǵy mal qorymynda 20 myńnan astam ıt pen 300 mysyqtyń kózi joıylǵan.
Foto: pln-pskov.ru
