Ierýsalımdegi qaqtyǵysta 40-tan astam palestınalyq jaraqat aldy
IERÝSALIM. QazAqparat - Islamda úshinshi mańyzdy qasıetti oryn Ierýsalımdegi Ál-Aqsa meshitinde juma kúni tańǵy qaqtyǵys kezinde kem degende 42 palestınalyq zardap shekti, dep habarlaıdy QazAqparat tilshisi The Guardian basylymyna silteme jasap.
Palestınalyq Qyzyl Jarty aıdyń málimetinshe, zardap shekkenderdiń kópshiligi dene jaraqatyn alǵan jáne 22 adam aýrýhanaǵa jetkizilgen.
Kýágerlerdiń aıtýynsha, polıtseıler kózden jas aǵyzatyn gaz, dybys shyǵaratyn granatalar men rezeńke oqtardy qoldanǵan.
Izraıl polıtsııasynyń habarlaýynsha, úsh adam qamaýǵa alynǵan.
«Biz qoǵamdyq qaýipsizdik úshin tártipsizdik pen qylmyskerlerge qarsy qatań áreket etýdi jalǵastyramyz», - dedi polıtsııa.
Óz kezeginde palestınalyq WAFA agenttigi Izraıl qaýipsizdik kúshteriniń meshittegi Qyzyl jarty aı qoǵamynyń jedel járdem brıgadalarynyń jumysyna kedergi keltirgenin habarlady.
«Tań namazynan keıin basqynshy [ızraıldik] kúshter Ál-Aqsa meshitinde qulshylyq etýshiler men sheginip jatqan adamdarǵa shabýyl jasap, ony Mýǵrabı qaqpasy jaǵynan basyp alyp, irgeles tóbelerge shyǵyp, snarıadtardy atyp, nátıjesinde ondaǵan adam jaraqat aldy», - dep qosty olar agenttikte.
Osy aıda meshit pen ǵıbadathana kesheninde kún saıyn derlik qaqtyǵystar boldy.
Polıtsııa sońǵy saǵattarda ǵıbadathana ornynda tynyshtyq ornaǵanyn, musylman dinge senýshiler ǵıbadathana aýmaǵyna aman-esen kirgenin atap ótti.
