Ierýsalımde júk kóligi júrginshilerdi qaǵyp ótti: zardap shekkender bar
ASTANA. QazAqparat - Ierýsalım ortalyǵynda, Kóne qala qabyrǵasyna jaqyn mańdaǵy kóshede júk kóligi jelek jolda serýendep júrgen bir top adamdy qaǵyp ótken. Saldarynan keminde 15 adam jaraqat aldy, dep habarlaıdy Bı-Bı-Sı agenttigi.
Reıter agenttiginiń málimetinshe, keminde úsh adam qaza tapqan, alaıda basqa aqparat agenttikteri bul málimetti rastamady.
Polıtsııa ókili ızraıldiń radıosyna «bul terakti», - dep málim etti.
Belgilisi polıtsııa júk kóliginiń júrgizýshisine oq atqan, alaıda ol oqqa ushty ma, álde tiri qaldy ma ol jaǵy ázirge belgisiz.
