Ierýsalımde terakt jasaǵan kúdiktiniń ata-anasy ustaldy
ASTANA. QazAqparat – Izraıldiń qorǵanys áskeri Shyǵys Ierýsalımniń Neve-ıAakov kvartalyndaǵy sınagoga aldynda oq atqan lańkestiń ata-anasyn ustady, dep habarlaıdy QazAqparat Jerusalem Post basylymyna silteme jasap.
«Izraıl qorǵanys áskeriniń kúshteri atystan birneshe saǵat ótkennen keıin lańkestiń ata-anasyn tutqyndap, Shyǵys Ierýsalımdegi úıin qorshaýǵa aldy», - delingen basylymnyń aqparatynda.
Keıinirek polıtsııa sınagoga mańyndaǵy lańkestik áreketke qatysy bar degen kúdikpen 42 adam ustalǵanyn málimdedi.
Buǵan deıin Ierýsalımniń shyǵysyndaǵy Neve-ıAakov kvartalynda sınagoga aldyndaǵy atystan 7 adam mert bolyp, 10 turǵyn jaraqat alǵany habarlanǵan bolatyn. Qarýdan oq jaýdyrǵan 21 jastaǵy lańkestiń kózi joıyldy.
Qylmysker HAMAS radıkal toby áskerı qanatynyń múshesi bolǵan. Olar bul shabýyldy «palestınalyqtardyń ólimi úshin kek alý» dep málimdedi.
Sýretti Izraıl Qorǵanys áskeriniń baspasóz qyzmeti usyndy
