Ierýsalımde lańkestik áreket jasalyp, 6 jasar bala kóz jumdy
ASTANA. QazAqparat – Ierýsalımde lańkestik áreket jasalyp, eki adam qaza tapty, dep habarlaıdy QazAqparat Euronews-ke silteme jasap.
Avtomobıl joǵary jyldamdyqpen kelip, avtobýs aıaldamasyna soǵylady. Oqıǵadan eki adam kóz jumdy, onyń biri – 6 jasar bala. Sondaı-aq, taǵy alty adam jaraqattandy.
Kóliktiń júrgizýshisi oqıǵa ornynda atylǵan. Keıin anyqtalǵanyndaı, ol Shyǵys Ierýsalımde turǵan 31 jastaǵy palestınalyq bolyp shyqty. Tártip saqshylary onyń áreketin lańkestikke jatqyzdy. Terrorıstiń týystary qamaýǵa alyndy, al úıi mórlendi. Izraıldegi BAQ shabýyl jasaǵan adamnyń júıke júıesinde derti bolǵany, onyń osy aptada ǵana aýrýhanadan shyǵarylǵany týraly aqparat taratty.
Ótken aıdyń aıaǵynda Shyǵys Ierýsalımdegi Neve-ıAakov aýdanynda sınagoga janynda terrorıstik akt uıymdastyrylyp, 7 adam qaza tapqan edi. Munan soń Izraıldiń qorǵanys áskeri lańkestiń ata-anasyn ustaǵany habarlandy.
