Ien daýylyna baılanysty Florıda turǵyndary evakýatsııalandy

ASTANA. QazAqparat - «Ien» daýyly Florıdaǵa jetti. Túbek aýmaǵymen jyljyp kele jatqan daýyldyń kúshi tórtinshi deńgeıden ekinshige báseńdedi, dep habarlaıdy QazAqparat Euronews-ke silteme jasap.

AQSh-tyń daýyldardy baqylaý jónindegi ulttyq ortalyǵynyń málimetinshe, dúleı apat aýmaǵyndaǵy jeldiń ekpini shamamen 42 m/s quraıdy, keı jerlerde 70 m/s jetken.

Ulttyq meteorologııa qyzmeti «apatty» teńiz daýyly men tornado týraly eskertti.

Florıdanyń 2,5 mıllıonǵa jýyq turǵyny evakýatsııalandy. 600 myńǵa jýyq úı men kásiporynda elektr qýaty sóndirilgeni habarlandy.

Daýyl soltústik-shyǵysqa qaraı 13 km/saǵ jyldamdyqpen jyljyp keledi.

Amerıka BAQ-tary «Ien» daýyly Florıdanyń batys jaǵalaýynda buǵan deıin bolǵan eń qýatty daýylmen para-par ekenin aıtýda: qazirgi jeldiń kúshi 2004 jyly «Charlı» daýyly kezinde soqqan jelmen teń.

Meteorologtardyń boljamy boıynsha, «Ien» AQSh-ta 6 qazanǵa deıin soǵady.

Foto: ru.euronews.com